QR Prezidenti Ákimshiliginiń kelisimen Nur-Sultan qalalyq politsiia departamentiniń bastyǵy laýazymyna politsiia polkovnigi Sádenov Erjan Saparbekuly taǵaiyndaldy. Politsiia departamentiniń jańa bastyǵyn jeke quramǵa Ishki ister ministri Erlan Turgymbaev qala ákimi Baqyt Sultanovpen birge tanystyrdy, dep habarlaidy "Ult aqparat".
QR Ishki ister ministrliginiń baspasóz qyzmeti taratqan aqparatqa sáikes, Erjan Saparbekuly 1968 jyly Shyǵys Qazaqstan oblysynda týǵan. S. Amanjolov atyndaǵy Shyǵys Qazaqstan memlekettik ýniversitetin, Qaraǵandy qalasyndaǵy Qazaqstan Respýblikasy UQK-niń joǵarǵy mektebin bitirgen. Ishki ister organdarynda 1993 jylǵy shildeden bastap orta jáne aǵa basqarýshy quramnyń ártúrli jedel laýazymdarynda qyzmet atqarǵan. Basshylyq laýazymdardaǵy tájiribesi mol.
Ár jyldary Ridder, Óskemen qalalyq politsiia basqarmalarynyń, Shyǵys Qazaqstan oblystyq politsiia departamenti Esirtki biznesine qarsy kúres basqarmasynyń bastyǵy, Mańǵystaý oblystyq politsiia departamenti bastyǵynyń birinshi orynbasary, IIM Jedel departamentiniń bastyǵy, Kóliktegi politsiia departamentiniń bastyǵy bolyp qyzmetti etti.
2016 jylǵy maýsymnan bastap Qazaqstan Respýblikasy Ishki ister ministrligi Aqmola oblystyq palitsiia departamentiniń bastyǵy laýazymyn atqardy.
