Áleýmettik meditsinalyq saqtandyrý qorynyń Nur-Sultan qalasy boiynsha filialy karantindik sharalarǵa bailanysty shekteýlerdi eskere otyryp, elorda turǵyndaryna meditsinalyq qyzmetterdi qashyqtan qalai alýǵa bolatynyn túsindirdi, dep habarlaidy "Ult aqparat".
Elordada meditsinalyq qyzmetterdi qashyqtan qalai alýǵa bolady?
Salalyq mamandardyń keńesteri, telemeditsina arqyly konsýltatsiialar, sondai-aq rentgen túsirilimin qaita oqytý, elektrokardiogramma tańbalaryn túsindirý qyzmetteri endi qashyqtan qabyldaý kezinde de qoljetimdi.
Buryn qashyqtan keńes berý sozylmaly aýrýlary bar naýqastardy (ýchaskelik jalpy praktika dárigeri, terapevt, pediatr) dinamikalyq baqylaý kezinde qoldanyldy. Qashyqtan meditsinalyq qyzmet kórsetýdiń erekshelikteri 2020 jylǵy 17 shildeden bastap kúshine engen «Halyq densaýlyǵy jáne densaýlyq saqtaý júiesi týraly» kodekste (129-bap) aiqyndalǵan.
Zamanaýi tehnologiialar men túrli bailanys arnalarynyń arqasynda meditsinalyq uiymdar patsientterge qashyqtan qyzmet kórsetý múmkindigine ie bolyp otyr. Aldaǵy ýaqytta qashyqtan kórsetiletin qyzmetter tizimi keńeitiledi.
Dárigerdiń onlain-keńesin qalai alýǵa bolady?
1. Óz emhanańyzdyń Call-ortalyǵy nemese basqa bailanys arnalary, mobildik qosymshalar (bar bolsa) arqyly dárigerdiń keńesine jazylý kerek.
2. Keńes berý kúni men ýaqytyn tańdaý qajet. Sonymen qatar, salalyq mamannyń qabyldaýyna jazylý úshin aldymen, ýchaskelik dárigerden joldama alý kerek. Ol úshin ózińizdiń terapevt/jalpy praktika dárigeriniń qabyldaýyna ótinim jiberesiz.
3. Tańdalǵan bailanys arnasy arqyly mamannan belgilengen ýaqytta qońyraý (aýdio nemese video) kútińiz.
«Dárigerden keńes alý úshin emhanaǵa barýdyń qajeti joq. Dáriger keńesi naýqas qai jerde bolmasyn, qashyqtan qoljetimdi. Sonymen qatar dáriger dári-dármekterge retsept jazyp bere alady. Syrqattama paraqshalaryn, zerthanalyq zertteýlerdiń, tekserýlerdiń nátijelerin de aityp beredi. Syrqattar men jaraqattardy diagnostikalaý, emdeý, meditsinalyq ońaltý jáne aldyn alý úshin, zertteýler men baǵalaý úshin meditsinalyq qyzmetter sandyq tehnologiialar arqyly qashyqtan usynylady. Iaǵni, osy qyzmetterdi alý úshin emhanaǵa kelýdiń qajeti joq», – deidi «Áleýmettik meditsinalyq saqtandyrý qory» KEAQ Nur-Sultan qalasy boiynsha filialy direktorynyń orynbasary Ainagúl Dáýletshina.
Ýchaskelik dárigerdiń qashyqtan keńes berýi alǵashqy meditsinalyq-sanitarlyq kómek beretin meditsinalyq uiymdardyń (emhanalardyń) jan basyna shaqqandaǵy normativ tólemi sheńberinde TMKKK tizbesine, al salalyq mamandardyń konsýltatsiialary –naqty kórsetilgen qyzmetteri (TMKKK boiynsha qyzmet kórsetiletin sozylmaly, áleýmettik máni bar jáne infektsiialyq aýrýlardan basqa) MÁMS paketine kiredi.
Qandai da bir suraqtar týyndaǵan jaǵdaida azamattar Meditsinalyq saqtandyrý qorynyń Qoldau 24/7 mobildik qosymshasy arqyly júgine alady.
