Koronavirýsty jedel anyqtaityn test elordaǵa jetkizildi. Bul týraly Ortalyq kommýnikatsiialar qyzmetindegi brifingte Nur-Sultan qalalyq qoǵamdyq densaýlyq saqtaý basqarmasynyń basshysy Sáýle Qisyqova aitty, dep habarlaidy "Ult aqparat".
«Dál qazirgi ýaqytta Nur-Sultan qalasyna jedel test jetkizildi. Jedel testileý Bas memlekettik sanitar dárigerdiń qaýlysyna sáikes epidemiologiialyq kórsetkishter boiynsha qatań júrgiziledi. Eń birinshi kezekte koronavirýs indeti taralýynyń aldyn alý jumystaryna jumyldyrylǵan memlekettik jáne memlekettik emes organdardyń qyzmetshileri, meditsinalyq-sanitarlyq uiymdardyń baqylaýynda turǵan dispanserlik toptaǵy tulǵalar men meditsina qyzmetkerleri testileýden ótedi. Bul jumystar búginnen bastalady»,- dedi Sáýle Qisyqova.
