Elorda basshysy Áset Isekeshev qalalyq ákimdikte eńbek etetin qyzmetshilerdiń qansha ailyq alatynyn aityp berdi, dep habarlaidy QazAqparat tilshisi.
«Ótken jyly elordadaǵy basqarma basshylarynyń ailyǵy 170 myń teńge shamasynda boldy. Bul rette olar basqaryp otyrǵan basqarmalardyń biýdjeti 70 mlrd teńgeden asatynyn aita ketý kerek. Tiimdi, kásibi ári ashyq basqarýdy qamtamasyz etý úshin, árine, ailyqty ósirip, kásibi kadrlardy tartý kerek boldy. Basqarma basshylary men orynbasarlarynyń laýazymdyq ailyǵynyń mólsheri eki esege - 500 myń teńgege deiin, al bólim basshylarynyń ailyǵy 2,5 esege - 350 myń teńgege, bas mamandardyń ailyǵy 2 esege - 290 myń teńgege deiin ósirildi. Demek, biz basshylardyń, negizinen tómengi jáne orta býynnyń ailyǵyn ósirdik», - dedi ákim «iKomek» qalalyq monitoring jáne jedel áreket etý ortalyǵynyń otyrysynda.
Onyń aitýynsha, Astana ákimdigindegi memlekettik qyzmetshilerdiń ailyq eńbekaqysy olarǵa degen talaptardyń jedel artýyna bailanysty pilotty joba aiasynda ósirilgen. Áset Isekeshev sonymen birge, osy jyldyń basynan bastap qalalyq ákimdiktegi 104 vakantty orynǵa 700 ótinim kelip túskenin, ár laýazymǵa 7 úmitkerden kelgenin atap ótti.
«Ailyqtyń jaidan-jai ósirilmeitinin, negizgi tiimdilik kórsetkishi boiynsha arttyrylatynyn aita ketý kerek. Osynyń arqasynda jyl basynan beri memlekettik qyzmetke «Bolashaq» baǵdarlamasynyń 13 túlegin, kvazimemlekettik sektordyń 7 top-menedjerin tartýǵa múmkindik týdy. Kadrlar aýysymynyń mólsheri 3 paiyzdan 0,4 paiyzǵa deiin azaidy», - deidi qala basshysy.
Onyń aitýynsha, ákimdikti transformatsiialaý qosymsha shtattardy tartpai-aq jańa baǵyttarda kadrlyq quramdy kúsheitýge jol ashqan.
«Ózderińiz biletindei, bul gazdandyrý. Kelesi jyly biz qaladaǵy JEO-ny, birneshe turǵyn úilerdi - Kóktal, Ońtústik-Shyǵys, sodan keiin shahardyń ózge de aýdandaryn gazdandyramyz. Elektrenergiia jáne energiia únemdeý, qala qurylysyndaǵy ýrbanistikalyq ádis, tsifrlandyrý amaldary men kiberqaýipsizdik saiasaty men ózge de kóptegen ádister arqyly ishki rezervti tartyp, ony kúsheitýge múmkindik aldyq», - deidi ákim.
Aita ketsek, budan buryn qala basshysy Astanaǵa halyqtyń kóptep kóship kelýinen memlekettik qyzmetshilerdiń jumysy aýyrlai túskenin aitqan edi. Onyń ústine Áset Isekeshevtiń aitýynsha, ótken jyly 9 qurylymdyq bólimshe qysqartylǵan.
