Elordalyq politseiler qalaǵa esirtki jetkizý jolyn kesti. Bul týraly Nur-Sultan qalalyq politsiia departamentinen málim etti, dep habarlaidy QazAqparat.
«Quqyqtyq tártip» jedel aldyn alý is-sharasyn ótkizý barysynda Nur-Sultan qalasynyń politsiia qyzmetkerleri elorda aýmaǵyna esirtki jetkizýmen jáne satýmen ainalysqan kúdiktini ustaýǵa baǵyttalǵan arnaýly operatsiia ótkizdi. Atap aitqanda, esirtki jetkizý jáne satý arnasynyń jolyn kesýge baǵyttalǵan jedel izdestirý is-sharasy kezinde 32 jastaǵy azamat ustaldy. Ony tintý barysynda salmaǵy shamamen 5 gramm bolatyn «gashish» tárkilendi», - delingen Nur-Sultan qalalyq politsiia departamenti taratqan aqparatta.
Vedomstvo málimetinshe, kúdiktiniń Aqmola oblysyna qarasty Jaltyrkól aýylyndaǵy baspanasyn tintý barysynda qorada úiilgen shóptiń arasynan salmaǵy 19 keliden asatyn «marihýana» tabylǵan. Ustalǵan azamat esirtkini elordadv satpaq bolǵan. Arnaýly operatsiia barysynda tárkilengen esirtkiniń jalpy salmaǵy19,3 kelini quraidy.
«Qylmystyq isti tergeý aiasynda elorda aýmaǵyna ósirtki jetkizýge jáne satýǵa qatysy bar ózge de adamdardy anyqtaýǵa baǵyttalǵan jedel izdestirý is-sharasy júrgizilip jatyr. Atalǵan fakti boiynsha qylmystyq is qozǵaldy. Tergeý júrgizilýde», - dep atap ótedi departamentten.
«Quqyqtyq tártip» jedel aldyn alý is-sharasy ótkizilgen eki kúnniń ishinde qala aýmaǵynda 52 qylmys tirkelip, onyń 36-sy táýlik ishinde ashyldy. Sonymen qatar erterekte jasalǵan 29 qylmys áshkerelenip, izdeýde bolǵan 8 qylmysker ustaldy. Ishki ister organynda esepte turǵan 1 118 adam tekserýden ótti. 2 101 ákimshilik quqyq buzýshylyq tirkelip, túngi ýaqytta kóńil kóterý ornynda júrgen 89 kámeletke tolmaǵan jasóspirim anyqtaldy. Kólikti mas kúide júrgizgen 8 júrgizýshi qolǵa tústi. Sonymen qatar jaiaý júrginshiler tarapynan da ereje buzýshylyqtyń 283 faktisi anyqtaldy.
