Nur-Sultan qalasy Politsiia departamenti basshysynyń atyna joǵalyp ketken týysyn tapqan Oral qalasy turǵynan alǵys hat keldi. Bul týraly Nur-Sultan qalasy Politsiia departamentiniń baspasóz qyzmeti habarlady.
«Oral turǵyny Natalia Konstantinovna ýchaskelik politsiia inspektory, politsiia kapitany Kópjasar Júsipovke 20 jyl boiy izdegen týysyn taýyp bergeni úshin alǵys aitty», - delingen baspasóz habarlamasynda.
Ol týysyn tabý maqsatynda elordadaǵy Politsiia departamentiniń kezekshi bólinime habarlasqan. Oǵan joǵalyp ketken er adamnyń turýy múmkin aýdanǵa jaýapty ýchaskelik politsiiasynyń nómirin bergen.
«Áiel ýchaskelik politsiiadan 20 jyl buryn joǵaltqan týysyn taýyp berýdi ótingen. Ol 2 kún ishinde er adamdy taýyp, Oralǵa jetýine kómektesken. Er adamnyń turǵylyqty meken-jaiy bolmaǵan jáne ártúrli oraiy kelgen jumystardy istegen. Politsiia qyzmetkeri oǵan azyq-túlik pen poiyzǵa bilet satyp alyp bergen. Ony Oraldaǵy týysy kútip aldy», - delingen habarlamada.
