Nur-Sultan qalasynyń Bas imamy Erbolat Júsipov Ramazan aiynda meshitke kelýdiń tártibin túsindirdi, dep habarlaidy "Ult aqparat".
«Nur-Sultan qalasy «qyzyl» aimaqta bolǵandyqtan, osyǵan qatysty erejelerdi aityp keteiin. Bes ýaqyt namaz tek jekelegen túrde oqylady. Iaǵni, jamaǵatpen namaz oqylmaidy. Meshittiń esikteri ashyq. Árbir meshitke kelýshi jeke qulshylyq ete alady. Qasyndaǵy adammen ara qashyqtyq mindetti túrde 2 metr bolýy kerek. Buǵan biz jiti mán berýimiz kerek. Namaz oqityn zaldarda imamdar, namazǵa kelýshi adamdardyń bári mindetti túrde maska taǵýy qajet. Maska taǵý bizde kún tártibinen qalmaityn másele qazir», - dedi imam.
Ol, sondai-aq aýyzashar qorjyndaryn taratý isi ákimdikpen birlesip uiymdastyrylatynyn málim etti.
«Oraza ustaǵan adamdarǵa múmkindiginshe aýyzashar qorjynyn uiymdastyryp berýimiz kerek. QMDB-niń osyndai nusqaýy bar. Biz bul iste ákimdikpen birge qalamyzdaǵy eriktiler men meshit jamaǵatyn tarta otyryp, arnaiy aýyzashar qorapshalaryn jetkizetin bolamyz.
Namaz oqyp bolǵannan keiin biz kelýshilerge meshitten tezirek shyǵýǵa ótinish jasaimyz. Jasy úlken qariialardyń, jas balalardyń meshitte emes, úide qulshylyq jasaýyna keńes beremiz. Bir eskertetin jaǵdai, Taraýyq namaz jamaǵatpen oqylmaidy», - dedi astananyń bas imamy.
