Elordalyq moýshn-dizainer Almaz Dúisebaev Instagram áleýmettik jelisinde óziniń kezekti týyndysy – «Aljir» murajaiynyń jádigerlerine jan bitirgen qysqa videosyn bólisti.
Almaz Dúisebaev murajai jádigerlerin smartfonyna videoǵa túsirip, animatsiia men arnaiy effektilerge arnalǵan grafikalyq baǵdarlama arqyly pishinderdi qozǵalysqa keltirgen.
Kadrlarda tutqyn áielderdiń lagerdegi ómiri kórsetilgen.
Bireý tigin mashinasymen jumys istep otyrsa, taǵy bireý salqyn kamerada nárestesin jylytyp álek, qalǵandary balalarynyń jazǵan hatyn oqyp otyr.
«Jaýsyz jandar júrgizgen kimge zańyn,
Baqyt jaily men qalai jyr jazamyn.
Aitý qiyn jylamai «Aljir» atty
Áielderge arnalǵan túrme azabyn», - degen Qanipa Buǵybaevanyń jyr joldary berilgen videoda.
«ALJIR» memorialdyq kesheni totalitarizm kezindegi saiasi qýǵyn-súrgin qurbandaryna estelik retinde Aqmola oblysynda turǵyzylǵan.
Bul jerde 1937-1939 jyldar aralyǵynda qýǵyn-súrginge ushyraǵan Keńes odaǵynyń shet-shetinen jinalǵan jazyqsyz 18 myń áiel men balalardyń esteligi jatyr.
Aita ketý kerek, Almaz Dúisebaevtyń barlyq jobalaryn qoǵam jyly qabyldap, jaqsy pikir aitqan.
