Nur-Sultanǵa shetelden ushyp kelgen bir jolaýshydan koronavirýs infektsiiasy anyqtaldy, dep habarlaidy "Ult aqparat".
Qalalyq ákimdiktiń málimetinshe, PTR synaǵynan ótkeni týraly sertifikaty joq áýe jolaýshylaryn karantin statsionaryna jedel jetkizý sharalarynyń arqasynda elordanyń meditsina qyzmetkerleri turǵyndar arasynda infektsiianyń taralýyn boldyrmai, naýqasqa ýaqtyly kómek kórsetti.
30 jastaǵy er adam Máskeýden PTR synaǵynyń sertifikatynsyz kelgen. Áýejaidan birden ol karantin statsionaryna jetkizilip, qajetti zerthanalyq tekserýden ótti.
Aýrýhana basshylyǵynyń aitýynsha, naýqastyń nátijeleri analiz alǵan soń 4 saǵattan keiin daiyn bolǵan.
Jolaýshydan aýrýdyń simptomsyz túri anyqtalyp, úi jaǵdaiyndaǵy karantinge jabyldy.
Naýqastyń jaǵdaiy birqalypty, shaǵymy joq. Er adamdy turǵylyqty jerindegi emhanalardyń meditsina mamandary baqylaidy.
