Biyl Almaty-Óskemen tasjolynyń Taldyqorǵan-Óskemen ýchaskesinde kúrdeli jóndeý aiaqtalady. Indýstriia jáne infraqurylymdyq damý ministri Beibit Atamqulov Úkimet otyrysynda osyndai málimet aitty.
«Qazirgi tańda 15 avtojol jobasy júzege asyrylyp jatyr. Jyl qorytyndysynda 768 shaqyrymdyq Taldyqorǵan-Óskemen ýchaskesin rekonstrýktsiialaýdy tolyq aiaqtaý josparlanǵan. Bul – Orta Aziia respýblikalaryn Reseidiń Shyǵys-Sibir aimaǵymen jáne Qazaqstannyń ońtústigin shyǵyspen bailanystyratyn halyqaralyq tranzittik dáliz», - degen ministr atalmysh dálizdiń Alakóldegi týristik klasterdi damytýda mańyzy erekshe ekenin eske saldy.
Vedomstvo basshysy Nur-Sultan qalasy men óńirlerdi joǵary jyldamdyqty 4 jolaqty avtomagistralmen bailanystyrý jumysy jalǵasatynyn aitady.
«Kókshetaý, Pavlodar jáne Qaraǵandy baǵytyndaǵy jumystar aiaqtaldy. Búginde qurylys jumystary Qaraǵandy qalasynan Qapshaǵaiǵa deiingi ýchaskede júrgizilýde. Jyl sońyna deiin Balqashqa deiingi ýchaske (363 shaqyrym), kelesi jyly Qapshaǵaiǵa deiingi ýchaske paidalanýǵa berilip, Ortalyq-Ońtústik dáliziniń rekonstrýktsiiasyn tolyq aiaqtalady», - dedi Beibit Atamqulov.
Eske salsaq, Indýstriia jáne infraqurylymdyq damý ministri atalmysh sharada aldaǵy 5 jylda qansha jol salynatyny týraly málimet bergen bolatyn.
