Elordada dámhanadaǵy jarylys saldarynan 33 adam zardap shekti. Bul týraly Nur-Sultan qalalyq densaýlyq saqtaý basqarmasynan málim etti, dep habarlaidy "Ult aqparat".
«Shubar aýdanynda gaz ballonynyń jarylýy saldarynan 33 adam zardap shekti. Túrli dene jaraqatyn alǵan olardyń barlyǵy jedel járdem qyzmetimen qala aýrýhanalaryna jetkizildi. Beiindi mamandar, meditsina qyzmetkerleri zardap shegýshilerge tolyqtai meditsinalyq kómek kórsetýde», - dep atap ótedi basqarmadan.
Basqarma málimetinshe, oqiǵa ornynda 3 jedel meditsinalyq járdem brigadasy jumys istep jatyr. Barlyǵy 22 brigada jumyldyrylǵan.
Buǵan deiin elordada dámhanalardyń birinde gaz ballony jarylyp, 1 adamnyń qaza tapqanyn habarlaǵan edik.
