Nur-Sultan qalasynda Aqmola oblysynyń aýyl sharýashylyǵy taýar óndirýshileriniń jármeńkesi ótip jatyr, dep habarlaidy QazAqparat tilshisi.
«Búgingi aýa-raiynyń qolaisyzdyǵyna qaramastan Aqomola oblysynyń jármeńkesine astanalyqtar erte jinalyp jatyr. Bul bizdiń qýantady. Aýyl sharýashylyǵy jármeńkesine 200 mln teńgeden astam somany quraityn 500 tonnadan astam ónim ákelindi. Onyń ishinde 80 tonna et, 28 tonnadan astam sút jáne sút ónimderi, 4 tonnadan astam balyq, 20 tonna un, 41,3 tonna kókónis jáne ózge de aýyl sharýashylyq ónimderi jetkizildi. Sondai-aq, baqsha aǵashynyń kóshetteri jetkizildi», - dedi Aqomola oblysynyń ákimi Ermek Myrjyqpaev jármeńkede.
Ákimniń aitýynsha, jármeńkede 50-den astam azyq-túlik túrin bazar naryǵynan 10-15 paiyz tómen baǵada satylýda.
Uiymdastyrýshylardyń málimetinshe, jármeńkege Aqmola oblysynyń 2 qala men 17 aýdandaǵy kásiporyndar óz ónimderin usynyp jatyr. Olardyń arasynda «Gormolzavod» JShS, «Sadovoe» JShS, «Nátije» JShS, «Rodina» agrofirmasy» JShS, «Ijevskii» óndiristik kooperativi» JShS, «Bijan» et óńdeý kásiporyn» JShS, «Krasnoiar shujyǵy» JShS, «Aibat» JShS, «Makinsk qus fabrikasy» JShS, «Kapital Prodjekt» JShS bar.
Eki kúnge sozylatyn aýyl sharýashylyq ónimderi jármeńkesi elordadaǵy «Han Shatyr» oiyn-saýyq alańynda ótip jatyr.
