Nur-Sultan qalasy qoǵamdyq densaýlyq saqtaý basqarmasynyń basshysy Timýr Muratov elordadaǵy epidemiologiialyq jaǵdaidy shilde aiyndaǵy aýyr kezeńge teńedi, dep habarlaidy "Ult aqparat".
«Búginde qalamyzda koronavirýs infektsiiasynyń jaǵdaiy turaqsyz. Indettiń órshýi boiynsha elorda áli de «qyzyl» aimaqta. 14 naýryzdan bastap, aýrý juqtyrý 24 paiyzǵa ósti. Eger aqpan aiynda táýlik ishinde orta eseppen 100 jaǵdai tirkelse, 25 naýryzǵa sáikes bul kórsetkish 230-ǵa deiin jetip otyr. Pandemiianyń órshýindegi aýyrýmen salystyrǵanda, qazirgi jaǵdai ótken jylǵy jazdaǵy kezeńmen uqsas bolyp otyr», - dedi T. Muratov elorda ákimdiginde ótken onlain brifingte.
Onyń aitýynsha, naýryzdyń 25 kúninde-aq 3754 jańa KVI jaǵdaiy tirkelgen, muny 2020 jylǵy shilde aiynyń basyndaǵy kórsetkishke teńeýge bolady. Juqpaly aýrýlar statsionarynda 480 adam jatyr (tósek-orynnyń 64 paiyzy).
Dáriger jansaqtaý bóliminde em qabyldaityn naýqastardyń da sany artqanyn atap ótti. Qazirgi ýaqytta bul bólimde 55 naýqas jatyr, onyń ishinde 14-i jasandy tynys alý apparatymen dem alýda.
