Elordanyń Almaty aýdanynyń ákimi Ádilbek Sársembaev qyzmetinen ketti, dep habarlaidy "Ult aqparat".
Óziniń aitýynsha, ol basqa qyzmetke aýysyna bailanysty Almaty aýdanynyń ákimi retindegi qyzmetin toqtatqan. Ol bul laýazymda 3,5 jyl eńbek etti.
«Kúndelikti biz áriptesterimizben aýdanymyzdy jaqsy jaǵynan kórsetýge tyrystyq, halyqpen kezdestik, aýdan aýmaǵyn jumys babymen araladyq, is-sharalar ótkizdik. Turǵyndarmen jaqsy bailanys ornata alǵanymdy maqtan tutamyn, biz turǵyndardy mazalaǵan máselelerdi bildik jáne turǵyndardyń qajetsinýine súiene otyryp sheshim qabyldadyq. Osy ýaqyt ishinde turǵyndar aldynda birneshe márte esep berdim, is júzinde turǵyndardyń barlyq ótinishin oryndadym, biraq olardyń arasynda sheshilmegen biraz problema qaldy. Apparat ujymynyń jumys isteitinine jáne bul máselelerdi sheshetinine senimdimin», - dep jazdy Ádilbek Sársembaev Facebook paraqshasynda.
Aita keteiik, Ádilbek Sársembaev «Qazaqstan Injiniring» ulttyq kompaniiasy» AQ basqarma tóraǵasy qyzmetine taǵaiyndaldy.
