Búgin saǵat 20:29-da «Alataý» sport saraiynan órt shyqty, dep habarlaidy "Ult aqparat".
Nur-Sultan qalasynyń tótenshe jaǵdailar departamenti oqiǵanyń alǵashqy derekterin málim etti.
«Búgin saǵat 20: 29-da Almaty aýdany, Táýelsizdik dańǵyly, 1/1 mekenjaiynda ornalasqan «Alataý» sport saraiynyń besinshi qabatynda órt tutanǵany týraly habarlama kelip tústi. Órt 20 sharshy metr aýmaqty sharpyǵan. Kabinettiń tóbesi túgel otqa oranǵan», - deidi departamenttiń baspasóz qyzmetindegiler.
Resmi derek boiynsha, órt saǵat 20: 57-de tolyq sóndirilgen. Qaza bolǵandar men zardap shekkender joq. Órtti sóndirýge jeke quramnan 39 adam jáne 12 tehnika jumyldyrylǵan.
