Nur-Sultan qalasy Almaty aýdanynyń №2 aýdandyq soty Memlekettik akademiialyq orys drama teatryrynyń basshylaryna qatysty úkim shyǵardy, dep habarlaidy "Ult aqparat".
Bul týraly Sybailas jemqorlyqqa qarsy is-qimyl agenttiginiń asa mańyzdy ister jónindegi tergeýshisi Daniiar Bekaidarov onlain brifingide aitty.
«Nur-sultan qalasy Almaty aýdanynyń №2 aýdandyq sotynyń úkimimen Memlekettik akademiialyq orys drama teatrynyń direktory 9 jylǵa bas bostandyǵynan aiyryldy. Direktordyń orynbasary 2 jylǵa shartty túrde, «Adi-Jan» JShS direktory 8 jylǵa, «Astana-Kókshe» JShS direktory 8 jylǵa, «ADS-Sapa» JShS tehnikalyq qadaǵalaý sarapshysy 7 jyl 6 aiǵa, «ST-Injenering» JShS tehnikalyq qadaǵalaý sarapshysy 3 jylǵa shartty túrde bas bostandyǵynan aiyryldy», - dedi Daniiar Bekaidarov.
Onyń aitýynsha atalǵan azamattardyń ústinen teatr ǵimaratyna kúrdeli jóndeý jáne qalpyna keltirý jumystaryn júrgizý kezinde jalpy somasy 402 mln teńge biýdjet qarajatyn jymqyrý faktisi boiynsha qylmystyq is qozǵalǵan bolatyn.
