Foto: ashyq derekkózden
Astana qalasy politsiia deportamenti elordada jyl basynan beri 1500-den astam kámeletke tolmaǵan bala túnde úilerinen tys jerde bolǵan dep málimdeidi. Bul týraly "Ult Aqparat" habarlaidy.
«Almaty» aýdanynda kámeletke tolmaǵandar arasyndaǵy quqyq buzýshylyq pen qylmystyń aldyn alý, sondai-aq balalardyń qadaǵalaýsyz jáne panasyz qalýynyń aldyn alý maqsatynda elordalyq politseiler jergilikti jerde reid júrgizip, onda kámeletke tolmaǵandardyń isteri jáne olardyń quqyqtaryn qorǵaý komissiiasynyń músheleri jáne Astana qalasynyń ákimdiginiń qyzmetkerleri de qatysty.
Reid aiasynda oiyn-saýyq mekemelerinde kámeletke tolmaǵandardyń bar-joǵy tekserildi. Jirentaeva kóshesindegi qaladaǵy kompiýterlik klýbtardyń birinde ótken is-sharanyń qorytyndysy boiynsha 16 jáne 17 jastaǵy kámeletke tolmaǵan 2 jasóspirimniń bolǵany anyqtaldy.
Kámeletke tolmaǵandardyń túngi ýaqytta zańdy ókilderiniń erip júrýinsiz oiyn-saýyq mekemelerinde bolýyna jol bergeni úshin ákimshi QR ÁQBtK-niń 132-babynyń 1-bóligi boiynsha ákimshilik jaýapkershilikke tartyldy. Óz kezeginde kámeletke tolmaǵandardyń ata-analary QR ÁQBtK-niń 442-babynyń 1-bóligi boiynsha ákimshilik jaýapkershilikke tartyldy.
Bul rette aǵymdaǵy jyldyń basynan beri politsiia qyzmetkerlerimen túngi ýaqytta úiinen tys jerde júrgen 1500-den astam kámeletke tolmaǵandar aýmaqtyq PB-na jetkizildi. Olardyń zańdy ókilderi QR ÁQBtK-niń 442-babynyń 2-bóligimen 100-den astam ata-anasy ákimshilik jaýapkershilikke tartyldy. Zańdy ókilder 442-baptyń 1-bóligimen (kámeletke tolmaǵandardyń túngi ýaqytta zańdy ókilderiniń erip júrýinsiz túngi ýaqytta 22-den tańǵy 6-ǵa deiin oiyn-saýyq mekemelerinde bolǵany úshin), sonymen birge kámeletke tolmaǵandardyń saýyqtyrýǵa ruqsat bergeni úshin ákimshilik jaýapkershilikke tartyldy. Oiyn-saýyq mekemeleriniń 70-ten astam iesine QR ÁQBtK-niń 132-baby boiynsha tiisti jaza qarastyryldy.
Astana qalalyq politsiia departamenti ata-analarǵa balalarynyń tárbiesi men qaýipsizdigine tolyq jaýapkershilikpen qaraýdy usynady, sebebi ata-analyq mindetterin tiisinshe oryndamaý ákimshilik jaýapkershilikke ákep soǵady.
Esterińizge sala keteiik, elordada aǵymdaǵy jyldyń 1 maýsymy men 10 maýsymy aralyǵynda «Quqyqtyq tártip» jedel-profilaktikalyq is-sharasy júrgizilýde. Onyń aiasynda tártip saqshylary eldi mekenderdi, ákimshilik aýmaqtar men saiajailardy patrýldeý jumystaryna úlken kóńil bóletin bolady. Sondai-aq elde bolý erejelerin buzǵan sheteldikterdi anyqtaý, esepte turǵan tulǵalardy baqylaý, tyiym salynǵan zattardy zańsyz saqtaityn nemese tasymaldaityn tulǵalardy tekserý jáne ustaý jumystaryn júrgizý qarastyrylǵan.
