Elordada jeńil kólik kóshedegi jaryq baǵanyn qulatyp, avtobýs aialdamasyna kirip ketti. Bul týraly Nur-Sultan qalalyq Politsiia departamentinen málim etti, dep habarlaidy "Ult aqparat".
Búgin, tańerteńgi saǵat 08.05-te «KIA CARENS» markaly kólikti tizgindegen 31 jastaǵy júrgizýshi B.Momyshuly kóshesimen Táýelsizdik dańǵylyna qarai kele jatyp, Sátbaev kóshesimen qiylysqa jetkende rýlge ie bola almai qalǵan. Sonyń saldaryna kólik kóshe shamy baǵanyn qulatyp, odan keiin aialdama alańyna kirip ketken.
«Abyroi bolǵanda sol sátte avtobýs aialdamasynda eshkim bolmaǵan. Zardap shekkender men qaza tapqandar joq. Júrgizýshige himiialyq-toksikologiialyq saraptama taǵaiyndaldy. Tergeý júrgizilip jatyr», - dedi departamentten.
