Jeke taksi júrgizýshisi koronavirýs diagnozymen statsionarǵa jatqyzyldy. Jaqyn bailanysta bolǵan adamdar anyqtaldy, dep habarlaidy "Ult aqparat" qala ákimdigine silteme jasap.
Nur-Sultan qalasynyń ákimdigi jolaýshylardyń qaýipsizdigin qamtamasyz etý maqsatynda elorda turǵyndaryna asa qajettilik týyndaǵan jaǵdaida ǵana tek resmi tasymaldaýshylardyń qyzmetin paidalanýǵa keńes beredi. Karantin rejimi bastalǵannan beri qalalyq shtab resmi taksige kólikterin kúnde dezinfektsiiadan ótkizýge talap qoidy. Sanitarlyq normalar saqtalmaǵan jaǵdaida tasymaldaýshylarǵa aiyppul salynady.
Sonymen qatar, koronavirýs taǵy bir turǵynda rastaldy. 50-den astam bailanysta bolǵan tulǵalar anyqtaldy, olardyń barlyǵy dárigerlerdiń baqylaýynda. Nur-Sultan qalasy boiynsha koronavirýs dertine shaldyqqandardyń sany 223 adamǵa jetti.
9 sáýirdegi derekterge sáikes 202 adam infektsiialyq statsionarda (10 adam Aqmola oblysynan), 930 jaqyn bailanysta bolǵan adam úi karantininde. Nur-Sultan qalasynda 30 adam koronavirýstan emdelip shyqty. Qalada barlyǵy 13 nysan karantinge jabyldy. Olardyń qatarynda meditsinalyq nysandar, jataqhana, №1 avtobýs parki, turǵyn úi keshenderiniń kireberisteri bar. 8 nysan karantinnen alyndy.
Infektsiianyń taralýyn boldyrmaý maqsatynda kún saiyn áleýmettik nysandarǵa, turǵyn úilerge, aýla aýmaqtaryna, trotýarlarǵa, bazarlarǵa, dúkenderge jáne t. b. dezinfektsiia júrgiziledi. Sonymen qatar, Komsomolskii, Ilinka, Promyshlennyi, Zarechnyi, Internatsionalnyi, Jeleznodorojnikov, Óndiris, Ońtústik-Shyǵys turǵyn úi alaptary dezinfektsiialanyp jatyr.
