Elorda ákimi Altai Kólginov óziniń Instagram paraqshasynda qalany qystan keiin qalpyna keltirý josparymen bólisti, dep habarlaidy "Ult aqparat".
«Aýdan ákimderine qalany abattandyrý, sanitarlyq tazalaý, qasbetterdi tiisti qalypqa keltirý jumystaryn jeke baqylaýǵa alýdy, sonyń ishinde PIK-ke (MIB) deiin jetkizýdi, qoǵamdyq keńistikterdi, skverlerdi, trotýarlardy jáne t. b. retke keltirýdi tapsyrdym», - dedi shahar basshysy.
Ol, sondai-aq, qysta búlingen joldardy qalypqa keltirý kezinde qalanyń eski bóligine basa mán beriletinin atady.
«Jol shuńqyrlaryn jóndeýdi tapsyrdym. Sonymen qatar, ortasha jóndeý men asfalttaýdy qajet etetin joldardyń tizimin jańartýdy tapsyrdym. Eń aldymen qalanyń eski bóligi men eldi mekenderge erekshe nazar aýdarý kerek. Qozǵalys qarqyndylyǵy joǵary jańa avtobýs marshrýttaryn iske qosamyz. Jańa marshrýttar áleýmettik nysandarǵa da aparmaq», - deidi ákim.
«Memleket basshysynyń tapsyrmasyna sáikes sáýir-mamyr ailarynda qalanyń barlyq aýdandaryn jappai kógaldandyrýǵa kirisemiz. Bul ekologiiany jaqsartýǵa, qosymsha qoǵamdyq keńistik qurýǵa múmkindik beredi», - dep jazdy qala basshysy.
