Elordada aýa raiynyń qolaisyzdyǵyna bailanysty jalpyqalalyq senbilik ótkizý keiinge shegerildi, dep habarlady qala ákimi Baqyt Sultanov Facebook paraqshasynda.
«Qurmetti astanalyqtar men qala qonaqtary! Bizdiń qaladaǵy aýa raiyn boljaý múmkin emestigin bilesizder. Ókinishke orai, erteń de elordamyzda kún raiy sýyq bolyp, jańbyr jaýady dep kútilýde. Mundai kún raiynda kóshege shyǵyp, tazalyq naýqanyn, aǵash otyrǵyzý sharalaryn júrgizý múlde yńǵaisyz. Aýa raiynyń qolaisyzdyǵyn eskere otyryp, men alǵashqy jalpyqalalyq senbilikti ótkizý kúnin aýystyrýdy usyndym», - dep jazdy Baqyt Sultanov.
«Qala turǵyndarynyń kóbisi erteńgi tazalyq aktsiiasyna belsene qatysýǵa niet bildirgenin men jaqsy bilemin. Men Sizderdi osy railaryńyzdan qaitpaýǵa shaqyramyn. Nur-Sultan qalasyndaǵy jyly aýa raiy barshamyzdy jaqyn arada qaita qýantyp, bizdiń jalpyqalalyq senbilikte birlesip, óz ýaqytymyzdy kóńildi ári paidaly ótkizýimizge sep bolady dep úmittenemin!», - dep qosty qala ákimi.
Jalpyqalalyq senbilikti ótkizý ýaqyty týraly qosymsha habarlanatyn bolady.
