ەلوردادا اۋا رايىنىڭ قولايسىزدىعىنا بايلانىستى جالپىقالالىق سەنبٸلٸك ٶتكٸزۋ كەيٸنگە شەگەرٸلدٸ, دەپ حابارلادى قالا ەكٸمٸ باقىت سۇلتانوۆ Facebook پاراقشاسىندا.
«قۇرمەتتٸ استانالىقتار مەن قالا قوناقتارى! بٸزدٸڭ قالاداعى اۋا رايىن بولجاۋ مٷمكٸن ەمەستٸگٸن بٸلەسٸزدەر. ٶكٸنٸشكە وراي, ەرتەڭ دە ەلوردامىزدا كٷن رايى سۋىق بولىپ, جاڭبىر جاۋادى دەپ كٷتٸلۋدە. مۇنداي كٷن رايىندا كٶشەگە شىعىپ, تازالىق ناۋقانىن, اعاش وتىرعىزۋ شارالارىن جٷرگٸزۋ مٷلدە ىڭعايسىز. اۋا رايىنىڭ قولايسىزدىعىن ەسكەرە وتىرىپ, مەن العاشقى جالپىقالالىق سەنبٸلٸكتٸ ٶتكٸزۋ كٷنٸن اۋىستىرۋدى ۇسىندىم», - دەپ جازدى باقىت سۇلتانوۆ.
«قالا تۇرعىندارىنىڭ كٶبٸسٸ ەرتەڭگٸ تازالىق اكتسيياسىنا بەلسەنە قاتىسۋعا نيەت بٸلدٸرگەنٸن مەن جاقسى بٸلەمٸن. مەن سٸزدەردٸ وسى رايلارىڭىزدان قايتپاۋعا شاقىرامىن. نۇر-سۇلتان قالاسىنداعى جىلى اۋا رايى بارشامىزدى جاقىن ارادا قايتا قۋانتىپ, بٸزدٸڭ جالپىقالالىق سەنبٸلٸكتە بٸرلەسٸپ, ٶز ۋاقىتىمىزدى كٶڭٸلدٸ ەرٸ پايدالى ٶتكٸزۋٸمٸزگە سەپ بولادى دەپ ٷمٸتتەنەمٸن!», - دەپ قوستى قالا ەكٸمٸ.
جالپىقالالىق سەنبٸلٸكتٸ ٶتكٸزۋ ۋاقىتى تۋرالى قوسىمشا حابارلاناتىن بولادى.
