Elordalyq 24 jastaǵy turǵyn politsiiaǵa tonalǵanyn habarlap, aryz berdi, dep habarlaidy QazAqparat Nur-Sultan qalalyq Politsiia departamentiniń baspasóz qyzmetine silteme jasap.
Jábirlenýshiniń aitýynsha, ol kóshede eki qyzben tanysyp, telefon nómirlerin alǵan. Eki kúnnen keiin qyzdardyń biri «Vatsap» messendjeri arqyly jigitke tanystyqty jaldamaly páterde jalǵastyrýdy usynǵan. Osy maqsatta jigit bir táýlikke páterdi jalǵa alyp, úige jańadan tanysqan qyzdy qurbysymen birge shaqyrǵan. Ishimdik iship alǵannan keiin jigit pen qyz jatyn bólmege kirip ketken. 30 minýttan keiin eki beitanys jigit bólmege kirip kelip, kezekpen jábirlenýshini uryp-soǵyp, aqsha talap ete bastaǵan. Olar jábirlenýshiden «Aifon 12» uialy telefonyn jáne «Apple» markaly smart saǵatyn alyp ketken. Osylaisha olar 650 myń teńge materialdyq shyǵyn keltirgen.
Jedel izdestirý sharalary barysynda «Almaty» aýdanynyń politseileri kisi tonady degen kúdikpen tórt kúdiktini, atap aitqanda, 18 jáne 19 jastaǵy eki qyz ben eki jigitti ustady. Tergeý barysynda «ońai aqshany» kózdegen top qylmysty aldyn ala josparlaǵany anyqtaldy. Jastar kinásin moiyndady, olardan «Apple» markaly smart saǵaty tárkilendi, olar telefondy satyp úlgergen. Sotqa deiingi tergeý amaldary júrgizilýde.
