Vaktsinatsiia adamdardyń bir mezgilde kóp jinalýyn boldyrmaý jáne qala turǵyndary úshin neǵurlym qolaily jaǵdai jasaý úshin aldyn ala jazylý arqyly júrgiziledi. Bul týraly elorda ákimi Altai Kólginov jelidegi paraqshasynda jazdy.
«Vaktsinatsiia adamdardyń bir mezgilde kóp jinalýyn boldyrmaý jáne qala turǵyndary úshin neǵurlym qolaily jaǵdai jasaý úshin aldyn ala jazylý arqyly júrgiziledi. Bul vaktsinalardy meditsinalyq mekemeler arasynda birkelki bólýge múmkindik beredi. Jasyna bailanysty shekteýler men meditsinalyq kórsetkishterdi eskere otyryp, 600 myńnan astam turǵyn vaktsinatsiialaýǵa jatady. Tek sáýir aiynda ǵana Densaýlyq saqtaý ministrligi (SQ-Farmatsiia) 280 myńnan astam doza vaktsina jetkizýdi josparlap otyr», - dedi Altai Kólginov.
Ákimniń aitýynsha, birinshiden egý pýnktteriniń sany úsh esege jýyq – 36-dan 100-ge deiin ósti. Bul - alǵashqy meditsinalyq-sanitarlyq kómek uiymdary: emhanalar, otbasylyq densaýlyq ortalyqtary, dárigerlik ambýlatoriialar jáne t. b. Vaktsinatsiia pýnkteriniń jumys ýaqyty saǵat 8:00-den 00:00-ge deiin uzartyldy.
Ekinshi. Vaktsinany alǵysy keletinderdiń bári ótinish qaldyra alady. Emhanaǵa tirkelý orny boiynsha aldyn ala jazylý kerek. Densaýlyq saqtaý basqarmasynyń saitynda alǵashqy meditsinalyq-sanitarlyq kómek uiymdarynyń bailanys nómirleri, mekenjailary kórsetilgen tizim jariialandy.
Úshinshi. Ekpe alýǵa jazylý Damumed mobildi qosymshasy arqyly da júzege asyrylady. Qosymshada patsienttiń jeke kabineti arqyly ýchaskelik dárigerdiń qabyldaýyna jazylý jáne eskertpede KVI-ǵa qarsy ekpe alǵysy keletinin kórsetý jetkilikti.
Aptanyń sońyna deiin meditsinalyq mekemeler vaktsinatsiiaǵa niet bildirýshilerdi tirkeidi, apta sońynda vaktsinatsiialaýǵa kirisedi.
Sondai-aq, Densaýlyq saqtaý ministrligi jaqynda «elektrondyq úkimet»portalynda vaktsinatsiialaýǵa elimiz boiynsha ortalyqtandyrylǵan ótinimderdi qabyldaýdy iske qosady (egov.kz). Onda «vaktsinatsiiaǵa jazylý» jeke qoiyndysy bolady.
Tórtinshi. Meditsinalyq mekemeler ekpe alǵysy keletin barlyq turǵyndardy qabyldaýǵa daiyn. Degenmen Mega Silk Way SOO siiaqty birqatar saýda-oiyn-saýyq ortalyqtarynyń infraqurylymyn daiyndadyq. Sonymen qatar, qaladaǵy qonaqúiler de daiyn. Qajet bolǵan jaǵdaida, vaktsinatsiia pýnktterin sol jerde de ornalastyrýǵa bolady.
