Jumys kúni bastalǵanǵa deiin elorda ákimi Altai Kólginov №51 jáne №52 mektepteri aýmaǵyndaǵy eki jańa korpýstyń qurylys barysymen tanysty, dep habarlaidy "Ult aqparat" Nur-Sultan qalasynyń resmi saityna silteme jasap.
Birinshi nysan - №52 mektep (Býrabai kóshesi) boldy. Jańa bilim berý oshaǵy 1200 orynǵa eseptelgen. Qazir oqýshylar sany 1,5 myńdy quraidy. Ekinshi nysan №51 mektep (Aman kóshesi) boldy. Mektepte 2870 oqýshy oqidy, alaida gimnaziia 1200 orynǵa eseptelgen. Jańa korpýs qosymsha 300 oqýshy ornymen qamtidy. Nysandardy tapsyrý merzimi - kelesi jyly.
Qala ákimi A.Kólginov qurylystyń merziminde aiaqtalýynyń, sapaly qurylys pen aýmaqty kórkeitýdiń mańyzdylyǵyn atap ótti.
Keshendi jospar aiasynda 5 jyl ishinde 50 mektep salý josparlanǵan (Olardyń 10-y jańa korpýstar).
