10 naýryzdan bastap Táýelsizdik saraiynyń bazasynda Ulttyq biryńǵai testileý ótýde. UBT maýsym aiynyń sońyna deiin jalǵasady. Bul týraly Nur-Sultan qalasy ákimdiginiń baspasóz ortalyǵynda ótken brifingide aityldy, dep habarlaidy QazAqparat.
«Tórtinshi toqsan 1 sáýirden bastalyp, 25 mamyrǵa deiin jalǵasatyn bolady. Qaladaǵy karantinniń kúsheitilýin bailanysty qalanyń barlyq mektepteri menshik nysanyna qaramastan qashyqtan oqityn bolady. Mektep bitirýshi 9,11-synyptarda oqytý aralas formatta: pánderdiń 70%-y dástúrli formatta, 30%-y qashyqtan ótedi. Synypta 15 baladan artyq oqýshy bolmaýy kerek jáne ata-analardyń ótinishteri boiynsha uiymdastyrylady», - dep atap ótti Nur-Sultan qalasy Bilim basqarmasy basshysynyń orynbasary Baǵlan Smataeva.
Onyń aitýynsha, 10 naýryzdan bastap Táýelsizdik saraiynyń bazasynda Ulttyq biryńǵai testileý ótýde.
«Búgingi tańda 7 567 oqýshynyń 490-y testileýden ótti. UB T maýsym aiynyń sońyna deiin jalǵasady. 9-synyp oqýshylary úshin qorytyndy attestattaý 28 mamyr – 7 maýsym aralyǵynda 3 pánnen: qazaq, orys jáne ana tilderi, ulttyq mekteptegi qazaq jáne orys tili men ádebieti, matematika, algebra boiynsha QR Bilim jáne ǵylym ministrliginiń usynymdaryna sáikes jazbasha nusqada ótetinin atap ótemiz. Al 11-synyp oqýshylary úshin 1-10 maýsym aralyǵynda qazaq, orys jáne ana tilderi, algebra jáne analiz bastamalary pánderinen jazbasha túrde, Qazaqstan tarihy, qazaq jáne orys tilderi testileý túrinde ótedi. 9, 10, 11, 12 – syyptardyń bilim alýshylaryn qaita attestattaý 11-20 maýsym aralyǵynda ótedi», - deidi ol.
