Elordanyń Táshenov kóshesi boiyndaǵy 10-shy úidiń qabyrǵasyna dańqty batyr Baýyrjan Momyshulynyń alyp portreti salyndy. Bul týraly Nur-Sultan qalasy ákiminiń baspasóz hatshysy Aqmaral Oljabaev Facebook-paraqshasynda jazdy, dep habarlaidy "Ult aqparat".
«Bul art-joba maidan alańynda millionnan astam otandasymyz shaiqasqan Ekinshi dúniejúzilik soǵystaǵy Jeńistiń 75 jyldyǵyna arnalyp otyr. Baýyrjan Momyshulyna arnalǵan mýraldyń avtorlary - TigrohaudCrew komandasynyń graffit-sýretshileri Erjan Tanaev pen Áli Zákir. Olar búkil Qazaqstan boiynsha 15-ten astam iri aýqymdaǵy jumysty oryndaǵan. Joba jetekshisi - Kristina Bekmyrzaeva. Osy komanda elordada koronavirýspen kúrestiń aldyńǵy shebinde júrgen dárigerlerge mýral salǵan bolatyn», - dedi Aqmaral Oljabaeva.
Úi qabyrǵasyna beinelengen Baýyrjan Momyshulynyń jas kezindegi sýretin áiel adam qolyna ustap tur. Bul maidanǵa attanǵan súiiktisin, uly men jaqynyn taǵatsyzdana kútken anany bildiredi. Mýraldy salýǵa sýretshiler bir apta ýaqyttaryn jumsaǵan.
