ەلوردانىڭ تەشەنوۆ كٶشەسٸ بويىنداعى 10-شى ٷيدٸڭ قابىرعاسىنا داڭقتى باتىر باۋىرجان مومىشۇلىنىڭ الىپ پورترەتٸ سالىندى. بۇل تۋرالى نۇر-سۇلتان قالاسى ەكٸمٸنٸڭ باسپاسٶز حاتشىسى اقمارال ولجاباەۆ Facebook-پاراقشاسىندا جازدى, دەپ حابارلايدى "ۇلت اقپارات".
«بۇل ارت-جوبا مايدان الاڭىندا ميلليوننان استام وتانداسىمىز شايقاسقان ەكٸنشٸ دٷنيەجٷزٸلٸك سوعىستاعى جەڭٸستٸڭ 75 جىلدىعىنا ارنالىپ وتىر. باۋىرجان مومىشۇلىنا ارنالعان مۋرالدىڭ اۆتورلارى - TigrohaudCrew كومانداسىنىڭ گراففيت-سۋرەتشٸلەرٸ ەرجان تاناەۆ پەن ەلي زەكٸر. ولار بٷكٸل قازاقستان بويىنشا 15-تەن استام ٸرٸ اۋقىمداعى جۇمىستى ورىنداعان. جوبا جەتەكشٸسٸ - كريستينا بەكمىرزاەۆا. وسى كوماندا ەلوردادا كوروناۆيرۋسپەن كٷرەستٸڭ الدىڭعى شەبٸندە جٷرگەن دەرٸگەرلەرگە مۋرال سالعان بولاتىن», - دەدٸ اقمارال ولجاباەۆا.
ٷي قابىرعاسىنا بەينەلەنگەن باۋىرجان مومىشۇلىنىڭ جاس كەزٸندەگٸ سۋرەتٸن ەيەل ادام قولىنا ۇستاپ تۇر. بۇل مايدانعا اتتانعان سٷيٸكتٸسٸن, ۇلى مەن جاقىنىن تاعاتسىزدانا كٷتكەن انانى بٸلدٸرەدٸ. مۋرالدى سالۋعا سۋرەتشٸلەر بٸر اپتا ۋاقىتتارىن جۇمساعان.
