Koronavirýstyń órship turǵanyna qaramastan elordada toi-tomalaq ótkizetinder tyiylmai tur. Bul týraly Nur-Sultan qalasynyń bas memlekettik sanitarlyq dárigeri Sarhat Beisenova aitty, dep habarlaidy QazAqparat.
«Qazirgi ýaqytta monitoring toptary kúndelikti reid is-sharalary júrgizip, 100-den astam kásipkerlik nysandaryn qamtidy. Bul rette jeke tulǵalar tarapynan da, kásipkerlik sýbektiler tarapynan da karantin is-sharalaryn saqtamaý faktileri anyqtalyp jatyr. Iaǵni, tyiymdarǵa jáne koronvirs infektsiiasy taralýynyń táýekeline qaramastan úilenýtoiy, týǵan kún, kóńildi keshter syndy buqaralyq is-sharalardy uiymdastyrý jáne ótkizý tyiylmai otyr. Nysandarda kóp adam jinalady jáne áleýmettik araqashyqtyq pen sanitarlyq normalar saqtalmaidy», - dedi bas sanitarlyq dáriger elorda ákimdiginde ótken brifing barysynda.
Onyń dereginshe, osy jyldyń 1 qańtary men 7 sáýiri aralyǵynda politsiiaǵa shekteý is-sharalarynyń buzylǵany týraly 423 material túsken. Olar boiynsha is qaralyp, 29 mln teńgeden astam somaǵa 146 ákimshilik aiyppul salynǵan. 72 aiyppul qysqartylǵan tártippen 12 mln teńdegen astam mólsherde tólengen.
«Monitoring toptardyń jumysy karantindiń shekteý is-sharalarynyń buzylýyn anyqtaý jáne jolyn kesýge baǵyttalǵan», - dedi Sarhat Beisenova.
