Qarjylyq monitoring agenttigi kezekti qarjy piramidasyn anyqtady, dep habarlaidy QazAqparat.
Qarjy piramidalaryn uiymdastyrýshylar alaiaqtyq shemalardy ártúrli joldarmen jasyrady. Bul zergerlik buiymdardy, týristik joldamalardy, baǵaly qaǵazdardy satyp alý/satý qyzmetteri, sondai-aq kriptovaliýtalar men bitkoinderdi satýdyń jańa tásilderi bolýy múmkin.
Bul rette, olar kózdeitini tek qana bir maqsat – sengish azamattardy «tabysy tym joǵary» jobaǵa aldap tartý, al joba eleýli qarjy shyǵynadryna ákep soǵady.
Qarjylyq monitoring agenttiginiń Nur-Sultan qalasy boiynsha aýmaqtyq departamenti «Antares» qarjy piramidasy qyzmetiniń jolyn kesti.
Qarjy piramidasyn uiymdastyrýshylar jeke tulǵalardyń aqshasyn kásipkerlik qyzmetke tartqan. Biraq is júzinde olar qarajatty qaita bólý jáne bir qatysýshylardy basqa salymshylardyń jarnalary esebinen baiytý arqyly tabys taýyp otyrǵan.
Atalǵan derek boiynsha sotqa deiingi tergeý amaldary júrgizilýde.
Qazirgi ýaqytta aýmaqtyq departament barlyq zardap shekken adamdardy jáne keltirilgen zalal somasyn anyqtaýǵa baǵyttalǵan sharalar qabyldap keledi.
Osyǵan bailanysty, atalǵan piramidanyń qyzmetine aqshalai salymdardy júzege asyrǵan barlyq azamattardyń Nur-Sultan qalasy, Jeltoqsan kóshesi, 43 mekenjaiy, +7 7172 76 79 33 telefony boiynsha QMA aýmaqtyq departamentine júginýin suraimyz.
