Elordada suranysy eń joǵary 17 jumysshy mamandyǵy anyqtaldy. Biyl olar boiynsha qysqa merzimdi tegin kýrstar ótedi, dep habarlaidy "Ult aqparat" «Atameken» palatasyna silteme jasap.
2017-2021 jyldarǵa arnalǵan «Eńbek «ónimdi eńbek pen jappai kásipkerlikti damytý baǵdarlamasy aiasynda eńbek naryǵynda úlken suranysqa ie mamandyqtardy oqytý «Atameken» UKP janyndaǵy oqý ortalyqtarynda júrgiziledi. Qazirgi ýaqytta bul tizimge 80 oqý ortalyǵy kiredi. Onyń 54-i kásiporyndar, 7-eýi koledjder, 3-eýi qaýymdastyqtar janynda ornalassa, 16-sy derbes jumys isteidi.
«Elorda ákimdigi janyndaǵy jumyspen qamtý máseleleri jónindegi vedomstvoaralyq komissiia otyrysynda osy jyly daiyndyq júrgizý josparlanǵan mynadai suranysqa ie mamandyqtar kirip otyr: aspaz, konditer, naýbaishy, baqylaýshy-kassir, tárbieshi kómekshisi, tiginshi, shashtaraz, animatsiia-videografika, jihaz jasaýshy, aǵash syrlaý tsehynyń sheberi, elektr-gaz dánekerleýshi, elektr ustasy, gaz qural-jabdyqtaryn qurastyrý jáne jóndeý ustasy, jartylai avtomattandyrylǵan mashinadaǵy elektr dánekerleýshi, armatýrashy jáne montajdaýshy», - dedi Nur-Sultan qalalyq kásipkerler palatasynyń direktor Almaty Júnisov.
Onyń atap ótýinshe, 2020 jyly qysqa merzimdi kásiptik oqytý baǵdarlamasymen elordada 200 adam qamtylatyn bolady. Bilim alatyn azamattarǵa memleket tarapynan shákirtaqy túrinde qoldaý kórsetilip, oqýyn aqiataǵannan keiin jańa biznes-ideiasyn júzege asyrý úshin grant beriledi.
