Elordanyń bas memlekettik sanitarlyq dárigeri Sarhat Beisenova qaladaǵy shekteý jáne karantin sharalary týraly qaýlyǵa ózgerister men tolyqtyrýlar engizdi. Oǵan sáikes, jabyq basseinder, SPA-ortalyqtar men kompiýterlik klýbtardyń jumys kestesi ózgertildi, dep habarlaidy qala ákimdiginiń resmi saity.
Engizilgen ózgeristerge sáikes, SPA-ortalyqtar, SPA-salondar, sondai-aq massaj ortalyqtary men kabinetter kúsheitilgen sanitariialyq-epidemiiaǵa qarsy, sanitariialyq-profilaktikalyq is-sharalardy saqtai otyryp jáne shtattyq rejimde jumys kestesin belgilei otyryp, biraq qatań túrde aldyn ala jazylý boiynsha 3 kelýshiden aspaityn rejimde jumys istei alady.
Saýnasy bar jabyq basseinderdiń jumys kestesi de shtattyq rejimde belgilengen.
Mundai ózgerister kompiýter klýbtarynyń jumysyna da áser etti:
«Ashyq» pilotyna qatysatyn kompiýter klýbtarynyń jumysyna ruqsat etiledi. Kelýshiler arasynda keminde 1,5 metr qashyqtyq saqtalýy, tolymdylyǵy 50%-dan aspaityn jaǵdaida, sondai-aq jumys rejimin saǵat 12.00-den 24.00-ge deiin belgilei otyryp, 1 kelýshige 4 sharshy metr esebinde jumys isteýin qamtamasyz etý qajet. Tek 18 jastan asqan adamdarǵa ruqsat etiledi», - delingen qujatta.
