Elordada Shý aýdanyndaǵy «Nur Otan» ǵimaratyn órtedi degen kúdikpen bir adam ustaldy. Bul týraly Nur-Sultan qalasy Politsiia departamentiniń baspasóz qyzmetinen málim etti, dep habarlaidy QazAqparat.
«Jedel-izdestirý sharalaryn júrgizý barysynda kriminaldyq politsiia qyzmetkerleri jappai tártipsizdikterge qatysy bar 35 jastaǵy Jambyl oblysynyń turǵynyn ustady.
Quqyq qorǵaý organdarynyń habarlaýynsha, ustalǵan azamat Shý aýdany Tóle bi kentinde «Nur Otan» partiiasy filialynyń ǵimaratyn órteýge qatysqan.
Qylmystyq qýdalaýdan boi tasalap júrgen er adam 9 qańtarda elordaǵa kelip, jalǵa alǵan páterde turyp jatqan», - delingen málimette.
Departamenttiń deregine qaraǵanda, kúdikti retinde ustalǵan jigittiń syrtynan izdeý jariialanǵan.
«14 qańtarda Jambyl oblysy Politsiia departamenti Shý politsiia bólimi kúdiktige izdeý jariialady. Atalǵan fakti boiynsha sotqa deiingi tergeý amaldary júrgizilýde. Qazirgi ýaqytta kúdikti qamaýǵa alyndy. Endi ol izdeý jariialaǵan politsiia bólimshesine jiberiledi», - dep jazady elordalyq departamenttiń baspasóz qyzmetinen.
