ەلوردادا شۋ اۋدانىنداعى «Nur Otan» عيماراتىن ٶرتەدٸ دەگەن كٷدٸكپەن بٸر ادام ۇستالدى. بۇل تۋرالى نۇر-سۇلتان قالاسى پوليتسييا دەپارتامەنتٸنٸڭ باسپاسٶز قىزمەتٸنەن مەلٸم ەتتٸ, دەپ حابارلايدى قازاقپارات.
«جەدەل-ٸزدەستٸرۋ شارالارىن جٷرگٸزۋ بارىسىندا كريمينالدىق پوليتسييا قىزمەتكەرلەرٸ جاپپاي تەرتٸپسٸزدٸكتەرگە قاتىسى بار 35 جاستاعى جامبىل وبلىسىنىڭ تۇرعىنىن ۇستادى.
قۇقىق قورعاۋ ورگاندارىنىڭ حابارلاۋىنشا, ۇستالعان ازامات شۋ اۋدانى تٶلە بي كەنتٸندە «Nur Otan» پارتيياسى فيليالىنىڭ عيماراتىن ٶرتەۋگە قاتىسقان.
قىلمىستىق قۋدالاۋدان بوي تاسالاپ جٷرگەن ەر ادام 9 قاڭتاردا ەلورداعا كەلٸپ, جالعا العان پەتەردە تۇرىپ جاتقان», - دەلٸنگەن مەلٸمەتتە.
دەپارتامەنتتٸڭ دەرەگٸنە قاراعاندا, كٷدٸكتٸ رەتٸندە ۇستالعان جٸگٸتتٸڭ سىرتىنان ٸزدەۋ جارييالانعان.
«14 قاڭتاردا جامبىل وبلىسى پوليتسييا دەپارتامەنتٸ شۋ پوليتسييا بٶلٸمٸ كٷدٸكتٸگە ٸزدەۋ جارييالادى. اتالعان فاكتٸ بويىنشا سوتقا دەيٸنگٸ تەرگەۋ امالدارى جٷرگٸزٸلۋدە. قازٸرگٸ ۋاقىتتا كٷدٸكتٸ قاماۋعا الىندى. ەندٸ ول ٸزدەۋ جارييالاعان پوليتسييا بٶلٸمشەسٸنە جٸبەرٸلەدٸ», - دەپ جازادى ەلوردالىق دەپارتامەنتتٸڭ باسپاسٶز قىزمەتٸنەن.
