Elordadaǵy qoǵamdyq Densaýlyq saqtaý basqarmasynyń basshysy Timýr Muratov qaladaǵy revaktsinalaý jumystary jaiynda túsindirdi, dep habarlaidy QazAqparat.
«22 qarashadan bastap elimizde azamattardy koronavirýstyq infektsiiaǵa qarsy revaktsinatsiialaý bastaldy. Revaktsinatsiia bastalǵanǵa deiin kóptegen daiyndyq jumystary júrgizildi: ekpe kabinetteriniń daiyndyǵyn baqylaý, revaktsinatsiia algoritmi boiynsha meditsina qyzmetkerlerine arnalǵan oqytý seminarlaryn ótkizý, halyq arasynda aqparattyq-túsindirý jumystary. Búgingi kúni qala boiynsha meditsinalyq qyzmetkerler, muǵalimder, kúsh qurylymdarynyń qyzmetkerleri, 60 jastan asqan jáne immýniteti tómen adamdar, meditsinalyq-áleýmettik mekemelerdiń personaly men kontingentinen 784 adam KVI-ge qarsy qaita vaktsina aldy», - dedi T. Muratov onlain brifingide.
Onyń aitýynsha, olardyń ishinde 170 adam otandyq Qazvac vaktsinasymen qaita vaktsinatsiialandy. Qaita egý úshin 500-ge jýyq azamat Sinofarm Vero cell vaktsinasyn tańdady.
«Revaktsinatsiia sanitarlyq normalar men komponentter arasyndaǵy aralyqty qatań saqtai otyryp júrgiziletinin atap ótemin. Revaktsinatsiiadan meditsinalyq uiymdardyń, saýda úiler men saýda ortalyqtaryndaǵy vaktsinalaý pýnktterinde ótýge bolady. Koronavirýstyq infektsiiaǵa qarsy ekpe alǵysy keletinderdi vaktsinatsiialaý jáne revaktsinatsiialaý qalanyń 31 meditsinalyq jáne vedomstvolyq uiymdarynda ornalasqan 72 egý kabinetinde, 4 saýda úii men ortalyqtarynda («Aziia Park», «Ábý-Dabi Plaza», «Kerýen», «Eýraziia») jáne «Nurly Jol» temirjol vokzalynda júrgiziledi», – dedi basqarma basshysy.
