«Elordalyqtar 2020 jyldyń 1-31 naýryzy aralyǵynda meditsinalyq saqtandyrý úshin 2,3 mlrd teńgeden asa jarna aýdardy», – dep habarlaidy "Ult aqparat" «Áleýmettik meditsinalyq saqtandyrý qory» KEAQ Nur-Sultan qalasy boiynsha filialynyń baspasóz qyzmetine silteme jasap.
Júie iske qosylǵan 2017 jyldyń 1 shildesi men 2020 jyldyń 31 naýryzy aralyǵyndaǵy jinaqtalǵan jarnanyń jalpy somasy 371 mlrd teńgeden asady.
«Meditsinalyq saqtandyrý qoryna jarna aýdarýda elordalyq jumys berýshiler kósh basynda deýge bolady. Nur-Sultan qalasynyń turǵyndary 2020 jyldyń 1-31 naýryzy aralyǵynda meditsinalyq saqtandyrý úshin 2,3 mlrd teńgeden asa jarna aýdarǵan. Olardyń jarnalary men aýdarymdarynyń qomaqty bóligi – 1,5 mlrd teńgeden astamy jumys berýshilerdiń aýdarymdary, al 8,1 mln teńgeden astamy – jeke kásipkerlerden túsken jarnalar», - deidi «Áleýmettik meditsinalyq saqtandyrý qory» KEAQ Nur-Sultan qalasy boiynsha filialynyń direktory Aidar Seiitqazinov.
Áleýmettik meditsinalyq saqtandyrý qoryna túsken barlyq mindetti áleýmettik meditsinalyq saqtandyrý jarnalary, iaǵni jinaqtalǵan qarjy Ulttyq bankpen arada jasalǵan senimgerlik basqarý týraly kelisimshartqa sáikes, Ulttyq bankte saqtalyp, Mindetti áleýmettik meditsinalyq saqtandyrý paketi sheńberindegi qyzmetter aqysyn tóleýge jumsalady.
