1 naýryzdan bastap Nur-Sultanda koronavirýsqa qarsy ekpeni muǵalimder, balabaqsha tárbieshileri, quqyq qorǵaý organdarynyń qyzmetkerleri alady, dep habarlaidy "Ult aqparat".
Qalalyq Qoǵamdyq densaýlyq saqtaý basqarmasynyń málimetinshe, bul topqa 15 myńnan astam adam kiredi. Osy sanattaǵy adamdardy vaktsinalaý úshin Nur-Sultanda 36 alǵashqy meditsinalyq-sanitarlyq kómek uiymdarynda ekpe egý bólmeleri uiymdastyryldy. Sondai-aq ekpe saldyrtýǵa vedomstvoaralyq uiymdar da qatysady.
«Muǵalimder men tárbieshilerge vaktsinalaý AMSK uiymdaryna bilim berý uiymy bekitilgen jeri boiynsha jasalady. Vaktsina alatyndardyń tizimderi jasaldy, tiisti emhanalarǵa jiberildi», - dep atap ótedi basqarmadan.
Aita keteiik, 1 aqpannan bastap Nur-Sultanda barlyǵy 2 126 adam koronavirýsqa qarsy ekpe aldy. Ótken demalys kúnderi basqarmanyń qoimalaryna 7 myńnan astam vaktsinanyń jańa dozasy tústi.
