Kún jylyna bastaǵaly elorda joldarynda motokólikpen júrgender qatary da kóbeidi. Al motokóliktik apatqa ushyraýy júrgizýshi ómirine asa qaýipti, dep habarlaidy "Ult aqparat" Nur-Sultan qalasy politsiia departamentine silteme jasap.
13 cáýir kúni saǵat 21:20-da «Reiser» mototsiklin júrgizgen 17 jastaǵy jigit Qorǵaljyn tas jolymen Baiǵanin kóshesi jaqqa kele jatyp, kóligin basqara almai, kóshedegi jaryq baǵanasyna soǵyldy. Jol-kólik oqiǵasy saldarynan mototsikldiń júrgizýshisi alǵan jaraqattarynan oqiǵa ornynda kóz jumdy. Atalǵan faktige qatysty tergeý júrgizilýde.
Statistikaǵa sáikes, mototehnikanyń apatqa ushyraýyna kóbine júrgizýshilerdiń qaýipsizdikti saqtamaýy, jol erejesin buzýy sebep bolady. Mototsiklshilerdiń kinásinen bolatyn oqiǵalarǵa olardyń jyldamdyq rejimin asyrý jáne manerv jasaý erejelerin buzý, kólik quralyn júrgizý tájiribesiniń azdyǵy sebep bolady.
