16-19 jeltoqsan aralyǵynda Nur-Sultan qalasynda elorda ákimdigi uiymdastyrǵan aýyl sharýashylyǵy jármeńkesi óz esigin aiqara ashady. Bul týraly qala ákimdiginiń resmi saity habarlady.
Kelýshiler tańǵy 8-den keshki beske deiin qajetti ónimderdi ala alady. Óz ónimderin Aqmola, Pavlodar, Qaraǵandy, Shyǵys Qazaqstan oblystarynyń taýar óndirýshileri, sondai-aq astanalyq agrarshylar usynady.
Jármeńkede azyq-túlik ónimderiniń barlyq túrleri satylady: sút, bakaleia, shujyq, un, balyq jáne t. b.
Kelýshiler siyr etin shamamen 2000 tg/kg, jylqy etin - 2200 tg/kg, qazy, jaia - 2500 tg/kg satyp ala alady.
Aita ketý kerek, jármeńke sanitarlyq normalardy saqtai otyryp ótkiziledi. Kelýshiler men qatysýshylar betperde kiiýi kerek, qol gigienasy men áleýmettik qashyqtyqty saqtaýy kerek.
Budan ári jármeńke apta saiyn ár senbi jáne jeksenbi kúnderi myna meken-jaida ótedi: Prigorodnyi turǵyn alaby, Arnasai kóshesi, 109 ǵimarat.
