Elordada memlekettik rámizder merekesine orai uiymdastyrylǵan saltanatty avtosherý bastaldy, dep habarlaidy QazAqparat.
«Búgin memlekettik rámizderimizge 28 jyl tolyp otyr. Osynaý merekege orai saltanatty avtosherý ótkizýdi jón kórdik. Bul sharanyń basty maqsaty - ulttyq qundylyqtarymyzǵa balaityn rámizderimizge degen súiispenshilik sezimdi oiatý. Ol birneshe kezeńnen turady. Alǵashy kezeńde 28 avtomobil men 28 mototsikldiń qatysýymen 28 shaqyrymdyq sherý bolady», - dedi sherý bastalar aldynda BAQ ókilderine suhbat bergen Nur-Sultan qalalyq jastar máseleleri basqarmasynyń «Astana jastary» KMM basshysynyń orynbasary Aian Ermentaev.
Onyń atap ótýinshe, ekinshi kezeńde sherýge qatysýshylar Ekinshi dúniejúzilik soǵystaǵy Jeńistiń 75 jyldyq mereitoiyna orai «Otan qorǵaýshylar» alańyna barady. Onda volonterler maidangerlerimizdiń erligine taǵzym retinde 75 gúl shoǵyn qoiady.
«Úshinshi kezeńde sýda júzetin kólik quraldarymen 28 shaqyrymdyq sherý ótkizemiz. Jalpy, bul sharamyzǵa 100-ge jýyq qala turǵyny men eriktiler qatysyp otyr. Bul sharalar legi keshke deiin jalǵasady. Munan bólek, qalanyń barlyq saiabaqtarynda niet tanytqan adamdardyń betterine elimizdiń kók týyn salyp berý sharasy ótkiziledi», - dedi Aian Ermentaev.
Aita keteiik, sherýge qatysýshylardyń barlyǵy qajetti qorǵanys quraldarymen qamtamasyz etilgen jáne olarǵa karantin rejimi erejelerin saqtaý boiynsha nusqaýlyq berilgen.
