Nur-Sultan qalasynda masa jáne basqa jándikterge qarsy keń aýqymdy dezinsektsiia jumystary eki aýysymda júrgizilip jatyr, dep habarlaidy "Ult aqparat" qala ákimdigine silteme jasap.
Mamandar birneshe baǵytty qamtydy. Olar sý qoimasy men jertólelerdi óńdep jatyr. Jumysqa 150-den astam adam tartylyp, ondaǵan tehnika jumyldyryldy.
«Masa kóp shyǵatyn jerlerdi dezinsektsiialaýǵa basa kóńil bólinip otyr. Bul massa jáne shirkei sanyn azaitýǵa múmkindik beredi. Dezinsektsiia jumystary kósheler men adam kóp jinalatyn oryndarda bastaldy. Birinshi kezeń aiaqtalǵannan keiin dezinsektsiialyq jumystar qalanyń oramishilik aýmaqtarynda, saiabaqtarda, tynymbaqtarda, kóshelerde júrgiziledi», - dep atap ótti mamandar.
Masamen kúres tiimdi bolýy úshin turǵyn úilerdiń jertólesin, mektep pen balabaqsha aýmaǵyn, densaýlyq saqtaý, mádeniet jáne sport nysandaryn, bazarlardy, saýda úilerin jáne t.b. zalarsyzdandyrý mańyzdy. Biyl masalardan aýmaqty óńdeý jospary 20%-ǵa, sý qoimalaryn óńdeý 25%-ǵa artty.
