Elordada «Latyn grafikasy negizindegi jańa álipbi jobalary» atty Ulttyq komissiia janynan qurylǵan orfografiialyq jáne ádistemelik jumys toptarynyń birikken seminar-keńesi ótti, dep habarlaidy "Ult aqparat".
«QR Mádeniet jáne sport ministrliginiń Til saiasaty komiteti men Shaisultan Shaiahmetov atyndaǵy «Til-Qazyna» ulttyq ǵylymi-praktikalyq ortalyǵynyń uiymdastyrýymen «Latyn grafikasy negizindegi jańa álipbi jobalary» atty Ulttyq komissiia janynan qurylǵan orfografiialyq jáne ádistemelik jumys toptarynyń birikken seminar-keńesi ótti. Seminar keńestiń maqsaty – qoǵam músheleri men jekelegen avtorlar tarapynan usynylǵan álipbi jobalaryn ǵalymdar men sarapshylar talqysyna salý. Qazaq jazýynyń orfografiialyq printsipterine súiene otyryp usynylǵan jobalardyń artyqshylyqtary men kemshilikteri saralanyp, qorytyndy jasaldy», - delingen Mádeniet ministrligi taratqan aqparatta.
Vedomstvo málimetinshe, seminarǵa QR Mádeniet jáne sport vitse-ministri Nurǵisa Dáýeshov, QR Mádeniet jáne sport ministrligi Til saiasaty komitetiniń tóraǵasy Ǵalymjan Meldeshov, «Til-Qazyna» ulttyq ǵylymi-praktikalyq ortalyǵynyń atqarýshy direktory Erbol Tileshov, «Nur-Otan» halyqtyq partiiasynyń «Miras» respýblikalyq qoǵamdyq keńesi músheleri, qoǵam qairatkeri Orazgúl Asanǵazy, Senat depýtatty jáne orfografiialyq, ádistemelik jumys tobynyń músheleri men sarapshy ǵalymdar, sondai-aq talqylanatyn álipbi jobalarynyń avtorlary Arman Baiqadam, Qanat Nurbai, Qýantqan Vanov, Jandos Temirǵali qatysty.
Seminar barysynda Orfografiialyq, Ádistemelik jumys toptary «Bailatyn», «Kazak Grammar», «Q.Vanov», «J.Temirgali» álipbi jobalaryn talqylady.
Talqylaýǵa Ahmet Baitursynuly atyndaǵy Til bilimi institýtynyń professorlary Zeinep Bazarbaeva, Quralai Kúderinova, ǵylymi qyzmetker Ainur Seiitbekova, Abai atyndaǵy Qazaq ulttyq pedogogikalyq ýniversitetiniń professory Tańat Aiapova, ál-Farabi atyndaǵy Qazaq ulttyq ýniversitetiniń dotsenti Lázzat Álimtaeva, L.N.Gýmilev atyndaǵy Eýraziia ulttyq ýnversitetiniń dotsentteri Lázzat Espekova, Qarlyǵash Sarekenova, E.Bóketov atyndaǵy Qaraǵandy memelekettik ýniversitetiniń dotsenti Marhaba Tursynova, Nazarbaev Ýniversiteti, Sh.Shaiahmetov atyndaǵy «Til-Qazyna» ulttyq ǵylymi-praktikalyq ortalyǵy ǵalymdary men IT mamandar qatysyp, óz pikirin bildirdi.
