Áskerge shaqyrý kezinde sanitarlyq-gigienalyq talaptarǵa erekshe nazar aýdarylylady, dep habarlaidy ákimdiktiń resmi saity.
Búgin Nur-Sultan qalasynyń jiyn pýnktinde kúzgi áskerge shaqyrý naýqany bastaldy.
Osy kúzde Nur-Sultan qalasynyń 800-den astam shaqyrý jasyndaǵy azamattary Qarýly Kúshterdiń, Ulttyq qaýipsizdik komitetiniń Shekara qyzmeti jáne Ulttyq ulan áskeri bólimderi qataryna Otan aldyndaǵy boryshyn óteýge attanady.
«Kúzgi áskerge shaqyrý naýqany qyrkúiek aiynan bastap jeltoqsan aiynyń aiaǵyna deiin júrgiziledi. Jas sarbazdardyń alǵashqy legin kelesi aptadan bastap áskeri bólimderge jiberemiz. Qarýly kúshterimiz ozyq tehnologiia jáne zamanaýi tehnikamen keńinen jabdyqtalýda. Sol sebepti ásker qataryn jas sarbazdarmen tolyqtyrýdy sapaly júrgizýge asa kóńil bólýdemiz», – dedi Nur-Sultan qalasy qorǵanys isteri jónindegi departamentinyń shtab bastyǵy, polkovnik Aidyn Saǵynbekov.
Onyń aitýynsha, áskerge shaqyrý kezinde sanitarlyq-gigienalyq talaptarǵa erekshe nazar aýdarylýda.
«Shaqyrylýshylardyń dárigerlik komissiia ótýi jáne áskeri komandalardy jasaqtaý kezinde pandemiianyń aldyn alý sharalarynyń barlyǵy qatań qoldanylyp, áleýmettik qashyqtyq saqtalatyn bolady. Saqtaný sharalary kóktemgi áskerge shaqyrý naýqany kezinde de iske asyrylǵan, tájiribemiz bar», – dedi Aidyn Saǵynbekov.
Áskerge shaqyrý dárigerlik komissiiasynyń saraptamasynan 18 ben 27 jas aralyǵyndaǵy jalpy sany 9 myń er azamatty ótkizý josparlanyp otyr.
