Elorda tórinde kúres túrlerinen ótip jatqan Álem chempionatynyń ekinshi kúni grek-rim kúresinen 4 salmaq boiynsha jeńimpazdar anyqtaldy, dep habarlaidy "Ult aqparat".
Atap aitar bolsaq, 55, 63, 72 jáne 82 kelide baq synaǵan balýandar ózara myqtyny anyqtady. Olimpiada oiyndaryna joldama sarapqa salynyp jatqan astanadaǵy álem birinshiliginiń alǵashqy altyn medali Grýziia balýanyna buiyrdy. Ol finalda qazaqstandyq sportshydan ailasyn asyryp, abyroiy tasydy.
62 keli salmaqtyń bas júldesi jartylai finalda qazaqstandyq Almat Kebispaevtan ailasyn asyrǵan japoniia balýany Shinobý Otaǵa buiyrdy.
72 keli salmaqta reseilik balýan teńdessiz ekenin kórsetse, 82 keli salmaqtyń kóshin taǵy bir Grýziia balýany qanjyǵasyna bailady. Osylaisha, grýzinder 2 altyn medalmen birden jalpy esepte kósh bastady.
Kúres túrlerinen Álem chempionatynyń alǵashqy jeńimpazdary men júldegerleri:
55 keli:
1. Nýgzari Tsýrtsýmiia (Grýziia)
2. Qorlan Jaqansha (Qazaqstan)
3. Eldaniz Azizli (Ázerbaijan), Shota Ogava (Japoniia)
63 keli:
1. Shinobý Ota (Japoniia)
2. Stepan Marianian (Resei)
3. Almat Kebispaev (Qazaqstan), Slavik Galstian (Armeniia)
72 keli:
1. Abýiazid Mantsigov (Resei)
2. Aram Vardanian (Ózbekstan)
3. Balint Korpashi (Vengriia), Aik Mnatsakanian (Bolgariia)
82 keli :
1. Lasha Gobadze (Grýziia)
2. Rafig Gýseinov (Ázerbaijan)
3. Said Abdýali (Iran), Tsian Haitao (Qytai).
Aita keteiik, osyǵan deiin Qorlan Jaqansha kúmis medal, al Almat Kebispaev qola medal jeńip alǵanyn jazǵan bolatynbyz. Jaqansha jeńip alǵan kúmis medal onyń Álem chempionatyndaǵy alǵashqy júldesi bolsa, Kebispaevtiń qolasy - Álem chempionatyndaǵy úshinshi qolasy. Ol osyǵan deiin 2010 jyly Máskeýde, 2015 jyly Las-Vegasta ótken álem birinshiliginde qola medal enshilegen bolatyn. Sondai-aq, Almat 2011 jylǵy álem birinshiliginiń kúmis júldegeri.
