Elordada qudyqtardyń shoiyn qaqpaǵyna datchikter ornatylýda. Ol sensorlar liýktiń ashylǵanyn jáne qozǵalys traektoriiasyn anyqtaýǵa múmkindik beredi, dep habarlaidy "Ult aqparat".
«Qaladaǵy júieli problemalardyń biri – qudyq qaqpaqtary máselesi. Qala basshylyǵy osy rette qudyqtardyń ashylýy ǵana emes, olardyń qozǵalýyn tirkeitin datchikterdi testi rejimde synap jatyr. Aqyldy datchikter qazirdiń ózinde jaýyn-shashyn sýyn qabyldaityn káriz júieleriniń qudyqtaryna ornatylǵan», - dep habarlaidy qala ákimdigi Instagram paraqshasynda.
Datchikterdiń jumys qaǵidaty úilesim júiesindegi ornyn programmalaýǵa negizdelgen. Úilesim júiesi 10 nemese odan joǵary gradýsqa qisaiǵan kezde signal dabyl belgisin berip, ol týraly aqparattyq júiede, sonymen qatar Telegram mobildi qosymshasynda habarlanady.
«Qudyqtyń qaqpaǵy urlanǵan jaǵdaida aqparattyq júie arqyly onyń qaida aparylǵanyn bilýge bolady. Osylaisha qazirdiń ózinde bul júie jemisin berdi. 2020 jyldyń 11 qyrkúieginde shoiyn liýktardy urlaǵandar ustaldy. Aqparattyq júiege signal túsip, qaqpaqtardyń qozǵalys traektoriiasy, aparylǵan oryny belgili boldy. Urlyq faktisi boiynsha Qylmystyq kodekstiń 188-baby 2-bóligi 1-tarmaǵy boiynsha sotqa deiingi tergeý bastaldy», - delingen habarlamada.
Eske sala ketsek qaqpaǵy urlanyp, qudyqtardyń ashyq qalýy – elordada ózekti máselelerdiń biri. Osydan birneshe jyl buryn №73 mektep litseidiń 3 synyp oqýshysy, keiin №83 mektep-gimnaziiasynyń 6 synyp oqýshysy qudyqqa qulap ketken bolatyn.
