Elordadaǵy keibir qonaqúiler politseilerdi ornalastyrýǵa bólindi. Bul týraly Nur-Sultan qalasy ákiminiń orynbasary Baqtiiar Máken málim etti, dep habarlaidy "Ult aqparat".
«Nur-Sultan qalasynda qaýipsizdikti qamtamasyz etý jáne koronovirýspen kúres sharalaryna jumyldyrylǵan dárigerler men politseilerge jaǵdai jasaý maqsatynda olar qonaqúilerge ornalastyryldy», - dedi B. Máken Ortalyq kommýnikatsiialar qyzetinde.
«Buǵan deiin dárigerler qonaqúilermen qamtamasyz etilgen edi. Sonymen qatar, blokpostarda jáne basqa da nysandardaǵy politseilerge qosymsha oryndar bólindi», - dedi ákimniń orynbasary.
Budan buryn habarlanǵandai, qazirgi tańda qalada koronavirýs infektsiiasynyń 433 jaǵdaiy tirkeldi. 255 naýqas statsionarlarda jatyr, 207 adam emdelip shyqty, úide karantinde 2 396 adam bar.
9 sáýirden bastap jappai ekspress-testileý júrgizý bastaldy, ony 12 752 adam tapsyrdy.
