Elordada koronavirýstyń órshýine bailanysty jansaqtaý bóliminde em qabyldap jatqan naýqastar sany artty. Bul týraly Ortalyq kommýnikatsiialar qyzmetinde ótken brifingide aityldy, dep habarlaidy "Ult aqparat".
«Koronavirýstyń órshýine bailanysty jansaqtaý bóliminde em qabyldap jatqan naýqastar sany artty. Qazirgi ýaqytta bul bólimde 66 naýqas jatyr. Munyń bári sanitarlyq normalardy saqtamai, adamdar kóp shoǵyrlanǵan oryndarǵa baryp, karantin rejimin buzýdyń saldary», - deidi Nur-Sultan qalasynyń Qoǵamdyq densaýlyq saqtaý basqarmasynyń basshysy Timýr Muratov.
Onyń aitýynsha, elordadaǵy juqpaly aýrýlar statsionarlarynda dárigerler jumyla jumys isteýde.
«Qazirgi ýaqytta koronavirýspen kúresýge 3700-den astam meditsina qyzmetkeri jumyldyryldy. Qajetti jaǵdaida jumysqa tartylatyn kadrlyq rezerv te daiyndalyp qoidy. Elordada koronavirýsty emdeitin 11 statsionar bar, onyń 10-y — juqpaly aýrýlar statsionary», - deidi ol.
