Nur-Sultan qalasynyń Qoǵamdyq densaýlyq saqtaý basqarmasynyń basshysy Timýr Muratov koronavirýs infektsiiasyn anyqtaityn zerthanalar týraly aitty, dep habarlaidy "Ult aqparat".
«Qalada koronavirýstyq infektsiiaǵa arnalǵan biomaterialdardy taldaýdyń 13 zerthanasy bar. Zerthanalardyń jalpy qýattylyǵy táýligine 7 myń synaqqa deiin jetedi. Oǵan qosa, 100 myńǵa jýyq reagent bar. Qazirgi kezde 9 izotermiialyq zerthanalyq keshen satyp alý sharalary júrgizilýde. Bul keshenniń ereksheligi – ol PTR taldaýdy bir saǵattyń ishinde daiyndap beredi», - dedi T. Muratov baspasóz máslihatynda.
Onyń sózine qaraǵanda, Nur-Sultan qalasynyń ákimdigi men Qoǵamdyq densaýlyq saqtaý basqarmasy kúzgi-qysqy kezeńge daiyndyq jumystaryn júrgizýde. COVID-19 infektsiiasynyń kúzgi-qysqy kezeńinde aldyn alý jáne emdeý boiynsha is-sharalar jospary bekitildi.
Sonymen qatar ol aýrýhanalar ókpeni jasandy jeldetý apparaty qurylǵylarymen tolyqtai qamtylǵanyn (434 apparat) aitty.
