Nur-Sultan qalasynyń bas memlekettik sanitar dárigeri Sarhat Beisenova elordadaǵy KVI juqtyrý statistikasyn jariialady, dep habarlaidy QazAqparat.
«Nur-Sultan qalasyndaǵy COVID-19 infektsiiasy boiynsha epidemiologiialyq jaǵdai turaqsyz bolyp qalýda, epidemiologiialyq jaǵdaidy baǵalaý matritsasy boiynsha 17-shi kúni «qyzyl aimaqta» tur. Kúnine 150-den 280-ge deiin jaǵdai tirkeledi. Sońǵy aptada syrqattanýshylyq deńgeii aldyńǵy aptamen salystyrǵanda birdei deńgeide, 100 myń turǵynǵa shaqqandaǵy qarqyndy kórsetkish - 121,1 -di qurady. Reprodýktivti sany - 0,92», - dep túsindirdi S. Beisenova elorda ákimdiginde ótken onlain brifingte.
Jyl basynan beri elordada syrqattanǵandar sany 10 myńnan asty, pandemiia bastalǵaly – 28 941 jaǵdai tirkeldi (18 403 - simptomdy jáne 10 528 - simptomsyz).
«Osy merekelik aptada naýqastarmen bailanysta bolǵandar sany 10%-ǵa ósti, iaǵni 500-den 735 adamǵa deiin, bul qala turǵyndarynyń karantin talaptaryn, onyń ishinde úi karantini rejimin saqtamaǵanyn kórsetedi. Sonymen qatar, ótken aptamen salystyrǵanda balalar arasynda aýrýdyń 1,6 esege, iaǵni 210-nan 339-ǵa deiin ósýi baiqalady», - dep atap ótti spiker.
Qazirgi ýaqytta belsendi oshaqtar sany – 1517, onyń ishinde: úi – 987, uiymdastyrylǵan – 538, onda 3 417 bailanysta bolǵan adam meditsinalyq baqylaýǵa alyndy.
