Jyl basynan beri koronavirýspen aýyrǵan astanalyqtardyń sany 15 myńnan asqan, dep habarlaidy QazAqparat.
Bul týraly Nur-Sultan qalasynyń bas memlekettik sanitar dárigeriniń orynbasary Janna Pralieva onlain brifingide aitty.
«Nur-Sultan qalasynda koronavirýstyq infektsiia boiynsha epidemiologiialyq jaǵdai turaqsyz bolyp tur. Jaǵdaidy baǵalaý matritsasy boiynsha qalamyz 1 ai boiy qyzyl aimaqta tur. Kúnine 350-den 580-ge deiin jaǵdai tirkeledi. Sońǵy aptada syrqattaný kórsetkishteri aldyńǵy aptanyń deńgeiinen 12 paiyzǵa joǵary. 100 myń turǵynǵa shaqqanda qarqyndy kórsetkish 250,8-di quraidy, reprodýktivtik san 1-den asady», - dedi maman.
Ol, sondai-aq, syrqttaný kórsetkishi ásirese eresekterdiń arasynda kóp ekenine toqtaldy.
«Aǵymdaǵy jyldyń basynan beri qala boiynsha syrqattanǵandar sany 15 myńnan asty. Pandemiia bastalǵaly 34453 jaǵdai tirkeldi. Onyń ishinde 22 254 simptomdary bar jáne 12 199 siptomsyz.
Sońǵy táýlikte 446 bastapqy jaǵdai tirkeldi. Onyń ishinde simptomdary bar 297 jaǵdai, 149 simptomsyz jaǵdai. Jas qurylymy boiynsha syrqattanýdyń eń joǵary deńgeigi eresekter arasynda tirkeledi. Olar jalpy syrqattanýshylyqtyń 80 paiyzyn quraidy», - degen bas sanitardyń orynbasary sońǵy aptada Nur-Sultan qalasy boiynsha egde jastaǵy syrqattanýshylardyń sany artqanyn málim etti.
«Syrqtataný kórsetkishinde balalardyń úlesi 17 paiyz jáne jasóspirimder 3 paiyzdy quraidy. Sondai-aq, eresekter arasynda 30-39 jas aralyǵyndaǵy adamdar infektsiiaǵa óte sezimtal. Olar eresekterdiń jalpy syrqattaný qurylymynda 24 paiyzdy quraidy. Sońǵy apta egde jastaǵy adamdardyń arasynda syrqattanýdyń 2 paiyzǵa ósýi baiqalady», - dedi Janna Pralieva.
